Helburuak

Hori nabarmenagoa da adikzioaren ezaugarriengatik edo norberaren edo ingurunearen ezaugarriengatik barnetegiko tratamendua behar duten pertsonen kasuan. Horregatik, tratamenduan, substantzien kontsumoa eta jokabide adiktiboak uzteko aspektuak ez ezik, beste asko ere lantzen dira:

• Adikzioa sortzeko edo horretatik ez libratzeko faktoreak ulertzea.
• Pertsonaren balioak argitzea eta etorkizuneko bizi-proiektu bat eraikitzea.
• Bizitzarako trebeziak eskuratzea (harremanetarako trebeziak, autokontrol emozionala, etab.).
• Adikziora daramaten egoerei aurre egiteko baliabideen garapena.
• Harreman familiarrak hobetzea.
• Osasun fisiko eta psikologikoa hobetzea.
• Ohitura osasungarriak eta nork bere burua zaintzekoak (gaixotasun kronikoak eta tratamendu luzeak dituzten pertsonen kasuan).
• Aisialdiko jarduera berrietan inplikatzea, adikziorako joeren alternatiba modura.
• Harreman sare berria sortzea, adikzioekin lotutako jende eta giroetatik aparte.
• Laneratzea.

Pertsonen bizi-kalitateari lotutako faktore hauek erraztu egiten dute abstinentziari eusteko trantsizioa, bai eta kontsumorik gabe irautea ere. Nabarmendu beharra dago, betiere, tratamenduaren helburuak pertsona bakoitzaren ezaugarrien arabera ezartzen direla, batzuetan helburu partzialak hartuz (arriskuak murriztea edo kalteak gutxitzea), gehienbat lehendik halako tratamendu asko egin dituztenekin edo trastorno larria duten edo laguntza-sare sozialik ez duten pertsonekin.