Zalantzarik bai?

• Zer jende mota aurkituko dut GH proiektuan?
  Adikzio-problemek era guztietako pertsonei eragin diezaiekete: edozein genero, enplegu edo egoera ekonomiko duen jendea dago. Uste duzuna baino normalagoa da, faktore askoren ondorioa baita.

• Substantzia batzuetarako tratamendu esklusiboa da?
  Legez kanpoko drogak, botikak eta alkohola kontsumitzearen ondoriozko problemak dituzten pertsonei laguntzen diegu, baita beste mendekotasun batzuek dituztenei ere: jokoa, apustuak, bideojokoak.

• Ba al dago amarik tratamenduan?
  Jakina, haien beharretara egokitzen saiatzen gara, ulertzen dugu zuretzat lehentasuna dela seme-alabekiko harremana eta komunikazioa, eta gure lana komunikazio hori hobetzea eta erraztea da, eta, behar izanez gero, haurrak zaintzeko zerbitzua eskainiko dizugu. Zure errealitatea aztertu eta tratamendua zure beharretara egokituko dugu beti.

• Lagunduko diozue nire inguruneari zer gertatzen ari zaidan ulertzen?
  Prozesuan zehar, gure programetan, aldi berean lan eginen dugu zurekin, zure familiarekin, bikotekidearekin… Topaguneak bilatuko ditugu komunikazioa errazteko eta haiek ahalik hobekiena ulertzeko zure prozesua, eta hartan laguntzeko.
   
• Ulertuko du nire familiak zer gertatzen ari zaidan?
  Gure lana hiru hankako aulkia da: emakumea, familia eta ekipo terapeutikoa. Taldearentzat lehentasuna dugu laguntzea eta lan egitea, baita familiarekin lan egitea ere, talde-laguntzaren bidez. Familiek ere beren esperientzia partekatuko dute, eta sostengua eta informazioa emanen dizkiegu ongi uler dezaten zer den mendekotasun-arazo bat.
   
• Zer gertatuko da nire seme-alaben zaintzarekin?
  Ez da ezer gertatuko. Ongi egoten lagunduko dizugu, zure seme-alabekin ere ongi egon ahal izateko. Behar izanez gero, behar diren zerbitzu juridikoekin koordinatuko gara, maila judizialean zuri laguntzeko.
   
• Nola esanen diot nire familiari?
  Zu hasi zure bidea egiten, zeure ekimenez, ez diozu hasieran zertan esan familiari. Pausoz pauso. Eta esan nahi badiezu, horretarako prestatua zaudenean lagunduko dizugu familiari azaltzen.
   
• Nola helduko diot honi seme-alabak izanik?
  Pentsatu seme-alabek ongi ikusi nahi dutela beren ama. Horretarako prest egoten zarenean, ongi prestatuko dugu nola azaldu, nola egin zure seme-alabekin, nola komunikatu, ongi uler dezaten zure egoera. Gai honetan ere, urratsez urrats egin behar da bidea. Onartu dezagun normala dela “batzuetan denari aurre egiteko indarrik ez izatea” edo “beti ongi ez egotea”.

Normalki esan dezagun ez dudala guztiarekin botererik izan behar, eta ez dudala beti ondo egon behar.

Testigantzak

31 urte. Arrosa

"Taldean hasi nintzenean, uste nuen dena nekiela, nire bizitzaren parte batzuk onartzeko beldurrez. Bertan nengoela, negar egin ahal izan nuen, irri egin, haserretu, konpartitu, isilik egon hala behar izanez gero, zuen konpainiari esker egunez egun zerbait ikasiz, eta geure iraultza bat hasi genuen elkarri lagun eginez. Eskerrik asko elkarrekin sortutako espazioagatik, beti eramanen dut nire aldean, nirekin."

55 urte. Maritxu

"Nire kasuan, bizitza eta pentsamendua aldatzea ekarri du. Programa ongi egiten duzue, egoki, eta horregatik funtzionatzen du. Eskerrik asko bihotz-bihotzez. Zoragarriak zarete"

64 urte. Margarita

Niretzat zuen babesa oso garrantzitsua izan da. Niri gauza nintzela esan izanak asko lagundu zidan: errudun ez sentitzeko baldin eta berriz erortzen banintzen, taldeak emandako animoak (terapeuta, medikua). Pozok nago, esker ona besterik ez zait ateratzen. Ohartu naiz kontsumitu gabe goza dezakedala.

62 urte. María

Emakume guztiak ausartu beharko lirateke probatzera. Maitasun eta interes handia jaso dut. Emakume terapeuten konpromisoa ikaragarria iruditzen zait.

51 urte. Carmen

Oso ideia ona da emakume talde bat egotea, emakumeen problematikarekin lotutako gai espezifiko asko baitaude gizarteari dagokionez.

43 urte. Ainara

Zuen zerbitzuetatik pasatzeak bizia salbatu dit. Mila-mila esker.

58 urte. Elisa

Eskerrik asko emakume terapeuta guztiei eman didazuen tratuagatik, denengandik ikasi dut zerbait. Uste dut oso profesionalak zaretela.

49 urte. Coro

Ez dut sentitu inolako premiarik ase gabe. Jarraitu ezazue jendeari laguntzen.

60 urte, Pilartxo

Lehenago, ongi sentitzeko edaten nuen. GH proiektuan, ongi sentitzeko ez edatera erakutsi didate. Lehen ez nekien zergatik edaten nuen, orain badakit zergatik ez dudan edaten.

44 urte, Vicky

GH proiektuan egoteak autoestimua handitu dit, sartu aurretik ez bainuen maite neure burua. Kontsumitzen jarraitu izan banu, hil eginen nintzen edo orain espetxean egonen nintzateke. Bizitza itzuli didazue.

33 urte, Paula.

“Aldatu” programara etortzea lagungarria izan zait da neure burua ezagutzeko eta neure burua zaintzen ikasteko.
Ezin nuen ongi pasatu drogatu gabe, parranda egitea drogarekin nuen lotua, hori zen nire mundu bakarra. Orain planak egiten ditut, neure buruaren jabe naiz eta horrela bideratzen dut nire bizitza.

61 urte, Elena

Poz-pozik nago esperientziarekin. Prozesu osoan zehar laguntza eta sostengua dituzu, zure buruari ulertzen ikasten duzu. Hori bai, ez duzu izan behar ez beldurrik ez lotsarik.

40 urte, Uxue

Dena galdu nuen, bai: lana, familia, dena Baina ez da garrantzitsuena zer galdu nuen, baizik eta orain zer irabazi dudan.
Jende zoragarriari esker, neure burua ezagutu dut, uste ez bezalako pertsona bat, bizitzeko gogoa duena, bizi-poza berreskuratu duena.
Gizarte Helburu proiektuaren Aldatu programaren talde bikain eta langileari esker, neure buruaren jabe naiz orain. Mila esker.